Jolshıev «Aqtóbede» oınaı ma?

«Aqtóbe» fýtbol klýbynyń dırektory Maqsat Túımalıev Baýyrjan Jolshıevtiń komandaǵa qosylýy jaıly pikir bildirdi. Bul týraly vesti.kz habarlady. Osy aıdyń basynda fýtbolshy Túrkııadaǵy oqý-jattyǵý jıynyn ótkizip jatqan «Aqtóbege» qosylǵany habarlanǵan bolatyn. Maqsat Túımalıevtyń aıtýynsha, qazirgi ýaqytta Baýyrjan jaqyndarymen keńesip alý úshin komandadan ketken kórinedi. «Baýyrjan «Aqtóbede» oınaýǵa daıyn ekenin aıtyp, bizge kútpegen jerden qosyldy. Onymen kelisimsharttyń qarjylyǵyq jaǵyn da aqyldaspaǵan edik. Ol jattyǵýǵa birden kirisip ketti. Sodan keıin baryp oǵan qolymyzdan keletin usynys jaıly aıtqan edik,ol jaqyndarymen keńesip alǵannan keıin naqty jaýap beretinin aıtty. Qazir ol komandamyzda joq. Jolshıev týraly ázirge osy málimetterdi ǵana aıta alamyn», – dedi Túımalıev. Aıta keteıik, Jolshıev ótken maýsymda múldem alańǵa shyqpady. Degenmen, onyń «Ertis», «Ordabasy», «Qaırat» klýbtarymen kelissóz júrgizip jatqany týraly habarlanǵan bolatyn.